ضُرِتْي !
المدونه كانت فكرة جوزى
وفى رأيي هى محاولة .. لخلق نوع من المودة وربما الألفة بينى بين "ضرتى"
.... اللى هو طبعا الانترنت ...
انا كمان بحب ضرتى .. بس ده كان قبل ما اكتشف انها ضرتى اللى واخدة حته كبيرة اوى من عقل
ووقت جوزى العزيز ...
فى الواقع ... ضرتى كان ليها فضل كبير فى انى اعرف جوانب مخفية فى شخصيتى
العدائية... بعد ساعة تركيز من جوزى فى حاجة بيعملها على الانترنت
النظرات الثاقبة النارية ... ودى مكنتش بعرف ابصها زمان دلوقتى بقيت محترفة و احتمال اكسب الدورى
خلق الفراغ .... و فى الجزء ده انا بقيت مدربة تنمية "فراغية" و الكورسات هتبدا قريب للى عايز يسجل
الغلاسة و الترخيم ... الجزء ده موجود فيا من زمان بس طلع على السطح بشكل ملفت متألق و ممكن تلاقوه فى ماينشتات الاهرام قريب
و أخيرا وليس اخرا .. بطفيله الايباد او ال كمبيوتر و بجرى .. وحاليا اللياقة مش مساعدانى ..
بس اهم حاجة ... فى كل ده
ان "ضرتى" عرفتنى قد ايه مش بستحمل ان جوزى يبقى بعيد عنى ولو حتى بتفكيره ...:)
ضرتى عزيزتى الأيام بيننا يا "حبيبتشى " ... ^_^
إيمان حمدي | أسيوط | ٩ يناير ٢٠١٣
تحية لزوجة بوتا المناضلة،،
ردحذفالمجد لكل زوجة لها ضرة الكترونية نتية :))
ويحضرني قول هنا في هذا الموقف وهو للكينج :
" ما فيناش حاورينى يا كيكا مافيناش لف و دوران
ماباقاش فى وقت ياروحى للشكوى و الهجران "
طابت ليلتكما :))
على فكرة الضرة دى كانت موجودة من ايام الخطوبة
ردحذفوفى هذا المقام يحضرنى قول الشاعر العبقرى مش فاكرة إسمه
( جوزى اتجوز عليا ولسه الحنة فى رجليا )
و العجل عند المصطبه :)
حذفيا بنتي دي ضرة كل الزوجات ، احتمال امنيه ترفع عليا قضية خلع بسبب النت :D
ردحذفيقطع النت ع النتيت ع اللى ينتتوا عليه ايه يا جدعان متخلوش النت يخبطكم ف بعض هههههههههههه
ردحذف